“O’zbekenergo” aksiyadorlik jamiyati faoliyatining 2018 yil 9 oylik yakunlari

“O’zbekenergo” AJ tomonidan elektr energetika sohasining yuqori iqtisodiy o‘sish sur’atlari va barqaror ishlashiga erishish maqsadida ishlab chiqarish xarajatlarini kamaytirish va ishlab chiqarilayotgan, shuningdek, ishlab chiqarishga mo‘ljallanayotgan mahsulotlar tannarxini pasaytirishni ta’minlaydigan chora-tadbirlar kompleksi ishlab chiqildi.

Joriy yilning 9 oylik yakunlari bo‘yicha mahsulot tannarxining pasayishi 100,5 foizni tashkil etdi.

Jamiyat korxonalari tomonidan ishlab chiqarish faoliyati prognoz parametrlarini bajarish ta’minlanmoqda. 2018 yilning 9 oylik yakunlari bo‘yicha sohada tovar mahsulot ishlab chiqarish hajmi 99,5 foizni tashkil etdi. Shuningdek, iste’molchilarga 45,5 mlrd. kVt·s miqdorda elektr energiyasi hamda 5,2 mln. Gkal issiqlik energiyasi yetkazib berildi.

Mahsulot va xizmatlar eksporti bo‘yicha prognoz ko‘rsatkichlari 119,5 foizga bajarildi. Umumiy qiymati 942,7 mln. so‘mga teng mahalliy mahsulotlar ishlab chiqarildi.

Tarmoqlarga xizmat ko‘rsatish va loyiha-tadqiqot hamda qurilish-montaj ishlari amalga oshirildi.

O’zbekiston Respublikasi Prezidentining 2018 yil 3 fevraldagi "2018 yilgi Investitsiya va infrastruktura loyihalar ro‘yxatini tasdiqlash to‘g‘risida"gi PQ-3507 sonli qaroriga muvofiq “O’zbekenergo” AJ bo‘yicha yangi energiya ob’ektlarini qurish, amaldagilarini modernizatsiya va rekonstruksiya qilish bo‘yicha 5 ta investitsion loyiha amalga oshirilmoqda.

Xususan:

“Taxiatosh IES – Xorazm NS – Sarimoy aholi punkti” oraliqlarida 220 kV havo elektr tarmog‘i qurilishi” loyihasi uchun uskunalar va materiallarni yetkazib berish bo‘yicha takroriy xalqaro tender savdolari olib borilmoqda.

- “To‘raqo‘rg‘on IESi qurilishi” loyihasi bo‘yicha, “Mitsubishi Corporation” & “Mitsubishi Hitachi Power Systems, Ltd” (Yaponiya) asosiy pudratchi tomonidan qurilish maydonchasiga 1-blok uchun asosiy uskunalar keltirildi, o’rnatish ishlari olib borilmoqda.

- “Quvvati 450 MVt ga teng bo‘lgan ikkinchi bug‘-gaz qurilmasini qurish bilan Navoiy IESni kengaytirish” loyihasi bo‘yicha bosh pudratchi “Mitsubishi Corporation va Mitsubishi Hitachi Power Systems, Ltd (Yaponiya) kompaniyalari konsortsiumi bilan tuzilgan shartnomaga ko'ra asosiy va yordamchi uskunalarni yetkazib berishni boshladilar, gaz turbinasi va PGU generatori o’rnatildi. Qurilish maydonchasida qurilish ishlari olib borilmoqda;

- Taxiatosh IESida 230-280 MVt quvvatga ega ikkita bug‘-gaz qurilmasini qurish” loyihasi doirasida bosh pudratchi bilan tuzilgan shartnoma bo'yicha, “Hyunday muhandislik-qurilish kompaniyalari konsortsiumi Ltd” asosiy va yordamchi uskunalar yetkazib berish joriy yilning oktabr oyidan boshlandi. Qurilish maydonchasida qurilish ishlari olib borilmoqda.

Joriy yilning 9 oyi mobaynida O'zbekiston Respublikasi Prezidentining 26.11.2016 yildagi №PP-2661 "Quyidagi kuchlanishli elektr tarmoqlarini 2017-2021 yillarda modernizatsiyalash va yangilash dasturi to'g'risida"gi qarori asosida 0,4-6-10 kV kuchlanishli elektr uzatish liniyalari qurildi va umumiy uzunligi 5,4 ming km bo'lgan va ta'mirdan chiqarilgan 1874 ta transformator stantsiyalari, shu jumladan, “Obod qishloq" dasturi (O'zbekiston Respublikasi Prezidentining qarori 29.03.2018 y. № PQ-3630) asosida 1,1 ming km. bo’lgan elektr tarmoqlari va 335 ta TP o'rnatildi.

“O’zbekenergo” AJ korxonalari tomonidan elektr energiyasini hisoblash uskunalarini takomillashtirish bo‘yicha ish olib borilmoqda. O‘tgan vaqt davomida yuridik iste’molchilarga 263 mingta uch fazali, 239,9 mingta bir fazali, maishiy iste’molchilarga 75,1 mingta uch fazali, 6453,6 mingta bir fazali elektr energiya hisoblagichlari o‘rnatib berildi.

Shuningdek, elektr energiyasi bilan bog‘liq muammo va kamchiliklarni bartaraf etish, takliflarni o‘rganish maqsadida "O’zbekenergo"AJ boshqaruv raisining bevosita nazoratida "Telegram" messenjerida "O’zbekenergo bilan muloqot" kanali ishga tushirildi.

O’zbekiston Respublikasi Prezidenti Sh.M. Mirziyoyevning 2017 yil 22 dekabrdagi O’zbekiston Respublikasi Oliy Majlisiga Murojaatida belgilangan vazifalarni bajarish bo‘yicha IEK kompleksining Vazirlar Mahkamasi Hay’ati majlisining 2018 yil 3 yanvardagi 1- son bayonnomasi bilan tasdiqlangan “Yo‘l xaritasi”dagi chora-tadbirlarni amalga oshirish maqsadida jamiyatga taalluqli topshiriqlarni bajarish bo‘yicha jamiyatning “Yo‘l xaritasi” tasdiqlandi.

Respublika Prezidentining respublika hududlariga - Surxondaryo, Qashqadaryo, Navoiy, Buxoro, Samarqand, Jizzax, Toshkent viloyatlariga iste'molchilarga ishonchli elektr energiyasini etkazib berishga qaratilgan tashrifi natijalari bo'yicha joylarda olingan protokol ko'rsatmalarini bajarish monitoringi amalga oshirilmoqda.

“O’zbekenergo” AJ bo‘yicha Vazirlar Mahkamasi tomonidan tasdiqlangan jamlama maqsadli parametrlarga ko‘ra 136 ta yangi ish o‘rinlari yaratish nazarda tutilgan, shu jumladan investitsion loyihalarni amalga oshirish doirasida 56 ta hamda sohani rivojlanish dasturi bo’yicha 80 ta ish o’rinlari yaratilgan.

2018 yilning 9 oyi mobaynida 349 yangi ish o'rinlari, shu jumladan 52 ta investitsiya loyihasi va sohani rivojlanish dasturi bo’yicha 297 ta yangi ish o'rinlari yaratildi.

Oziq-ovqat dasturi doirasida qishloq xo‘jalik mahsulotlari miqdorini oshirish bo‘yicha ishlar davom ettirilmoqda.

Manba  -   “O‘zbekenergo” AJ